هتجاوب على استبيان مفصّل بيسأل عن جوانب مختلفة من شخصيتك، ومن خلاله هتعرف أنماط السلوك الأساسية اللي بتأثر على شغلك، علاقاتك، وجوانب تانية من حياتك.

هتكتشف عمليًا ازاي الشخصية بتأثر على حياتنا اليومية من خلال لعبة مسلية فيها أمثلة من الواقع. بعدها، هنستكشف الأبعاد الأساسية اللي بتشكل شخصيتك، وهتتعلم لغة بسيطة وعملية تفهم بيها طريقة تفكيرك ومشاعرك وسلوكك، وسلوك الناس التانية كمان. وفي الآخر، هنتناقش بالتفصيل في تقاريرالاستبيان بتاعك اللي عملته قبل بداية التدريب.

بين اليوم الأول والتاني، هنساعدك تلاحظ ازاي شخصيتك أثرت على سلوكك وتجاربك في مواقف مختلفة في حياتك اليومية، عشان توصل لليوم التاني بفهم أعمق لازاي شخصيتك بتظهر في المواقف الحقيقية.

في اليوم التاني، هتستكشف قيمك الأساسية (الحاجات المهمة بالنسبالك وعايز تعيشها في علاقاتك، شغلك، وباقي جوانب حياتك)
هتاخد أمثلة على ازاي شخصيتك بتأثر على الطريقة اللي بتعيش بيها القيم دي. بعدها هنتناقش ازاي تقدر تغير في شخصيتك، وهنساعدك تحط خطة عملية عشان تستغل نقاط قوتك وتتغلب على التحديات اللي بتسببها شخصيتك الحالية، عشان في الآخر تعيش حياة متماشية مع قيمك.

بعد التدريب، هيكون عندك فرصة تنضم لمجتمع مُزهر الخاص على السوشيال ميديا، واللي فيه ناس كتير زيك في رحلة النمو بتاعتها. هناك، هتلاقي تذكيرات مستمرة عشان تطبق اللي اتعلمته، ومحتوى يفكرك بالمعلومات اللي اتعلمتها في التدريب، ومناقشات حوالين محتوى التدريب. وهيكون عندك الاختيار إنك تستقبل تذكيرات يومية واستبيانات على موبايلك تساعدك تفهم شخصيتك وتتابع تأثير التدريب اليومي عليك بشكل أعمق.